滑落與滑稽｜慣於關於

一篇舊日記，still holds true today though。

⭔　2020／¹²₂₀／an overcast Sunday\
　　﹋﹋﹋﹋﹋﹋﹋﹋﹋﹋﹋﹋﹋﹋﹋﹋

影響一個地方 GDP 嘅唔單止係當地嘅生產同服務，重有當刻嘅物價指標。要比較兩地嘅 GDP，如果經濟體系同背景不相似，係一定唔能夠單單以 GDP 為準測。

　Per capita？每況愈下𠻹啦。撇除每日以單程証嚟長住，只拎綜援而不事生產嘅一群，幾百萬人裡面，我非常好奇而家重有幾多真正拼搏嘅香港人？

如果唔同國內其他城市比較，單睇香港嘅經濟數據⋯⋯啲智將企圖轉移重點？我冇去查証過數據嘅真確性同認受性，我只係瞄咗一瞄，見到除咗好久耐之前嘅一兩年以外，每一年都係比前一年有經濟上嘅增長。

⭔　唔係文盲，就係扮文盲。除非唔係。

佢地飽讀詩書，口中所指嘅「滑落」係咩意思呢？，真係活到老學到老，又長智識了。

⎡\
　從前，common sense sometimes was not common，\
　幾年前，common sense was not always common ，\
　最近，common sense is always not common。⎦

家陣政府處處展現 Texas Sharpshooter Fallacy，以管窺豹，因果顛倒，以為就此可以迷惑眾生。紅海分成兩邊，九一分界嘅兩邊。惱羞成怒就索性推牌話唔算再打過鋪，趁機改埋牌例，打多一粒骰，做莊者有絕對嘅換牌權。

真吹鳩漲！但除咗被吹漲，重可以做啲乜嘢？香港滑落，我非常認同，不過唔係 GDP 方面。

　唔只係滑落，重幾滑稽下。　　 ⭓